Árásin ógni enn bandarísku lýðræði
Setja bókamerki
Joe Biden Bandaríkjaforseti hélt ávarp í húsakynnum bandaríska þingsins klukkan 14 í dag ásamt Kamölu Harris varaforseta, í tilefni þess að ár er liðið frá árás stuðningsmanna Donalds Trump, fyrrverandi forseta, á þinghúsið.
Biden sagði í ávarpi sínu að árásin væri stöðug ógn við lýðræði í Bandaríkjunum. Þá sakaði hann forvera sinn Donald Trump um að hafa dreift „lygavef“ sem aftur hafi leitt til árásarinnar á þinghúsið.
Rannsakendur málsins hafa hingað til handtekið 725 grunaða í tengslum við óeirðirnar.
Sakar Biden um rangar fullyrðingar
„Þeir sem réðust inn í þinghúsið og þeir sem komu að þessu atviki héldu rýtingi að hálsi Bandaríkjanna og bandarísks lýðræðis,“ sagði Biden í Statuary Hall, þeim hluta þinghússins þar sem árásarmennirnir brutust inn.
„Fyrrverandi forseti Bandaríkjanna hefur búið til og dreift lygavef um kosningarnar 2020. Marið egóið hans skiptir hann meira máli en lýðræði okkar eða stjórnarskrá,“ bætti hann við.
Skömmu eftir ávarp Bidens sendi Donald Trump frá sér yfirlýsingu þar sem hann sakaði Biden um „mistök og ítrekaðar rangar fullyrðingar um kosningarnar“.
Áhrif örvandi fíkniefna meginorsök banaslyss
Miklar rakaskemmdir og mygla í Lögbergi
Óásættanlega langur tími
Stefnt að því að auka ekki útgjöld á árinu
Ísland mun styðja við uppbyggingu í lok stríðs
Rannsókn lögreglu á banaslysi aftur hjá ákærusviði
Borgarstjóri LA virti blaðamenn að vettugi