Segir saknæmt athæfi Trump-fjölskyldu sannað
Setja bókamerki
Letitia James, dómsmálaráðherra New York-ríkis, segir að rannsókn sín á viðskiptum Trump-fjölskyldunnar hafi leitt í ljós sannanir um saknæmt athæfi.
/frimg/1/27/54/1275421.jpg)
Meðal annars segir James í dómsskjölum að brögð hafi verið í tafli varðandi mat á virði ýmissa eigna og að þetta virði hafi verið ranglega túlkað í hagnaðarskyni. Málið snýst um Trump Organization sem er í eigu Donalds Trumps, fyrrverandi Bandaríkjaforseta.
James vonast til að geta yfirheyrt Trump og tvö elstu börnin hans, Donald Trump yngri og Ivönku Trump í tengslum við rannsóknina.
„Þangað til í janúar 2017 var frú Trump helsti tengiliður Trump Organization við helsta lánadrottinn sinn, Deutche Bank. Í tengslum við þetta starf sá Trump til þess að misvísandi fjárhagsyfirlýsingar voru sendar til Deutche Bank og ríkisins,“ sagði í dómsskjölunum.
Fram kom að síðan 2017 hafi Donald Trump yngri haft umsjón með fjölda fjárhagsyfirlýsinga með misvísandi mati á virði eigna.
Í dómsskjölunum segir að eitt brotanna snúist um að þakíbúð Donalds Trumps í Trump-turninum á Manhattan í New York hafi verið sögð þrefalt stærri en hún væri í raun og veru, sem gerði það að verkum að hún var metin 200 milljónum dala dýrari, eða um 25 milljörðum króna.
Trump-fjölskyldan segja rannsóknina vera pólitíska og hefur hvatt dómstólinn til að vísa málinu frá.
Tugmilljóna tjón eftir ofsaveðrið
Enn að keppa 73 ára
„Ljóst mál að fólk mætir í vinnuna á morgun“
Barátta Hafsteins mótaði Guðrúnu
Segir afstöðuna hafa komið flokknum að óvörum
Verkföll kennara ólögmæt
Telur dóminn ekki hafa áhrif á viðræður
Skoða meirihlutasamstarf með öðrum flokkum