Hart var sótt að Boris Johnson, forsætisráðherra Bretlands, í breska þinginu í dag þar sem boð sem haldin voru í Down­ings­stræti í kór­ónu­veirufar­aldr­in­um voru til umræðu. Johnson sagði í viðtali í gær að hann hafi ekki vitað af því að boð brytu gegn reglum sem voru í gildi.

John­son hef­ur viður­kennt að hafa sótt veislu í Down­ing­stæti þann 20. maí árið 2020 en hann sagðist hafa haldið að hún tengd­ist starf­inu.

Frétt af mbl.is

Johnson segist ekki hafa verið varaður við

Sir Keir Star­mer, leiðtogi Verka­manna­flokks­ins og stjórnarandstöðunnar í Bretlandi, sagði að skýringar forsætisráðherrans á veisluhöldunum í Downingstræti yrðu sífellt furðulegri.

Ef Johnson segði satt þá þýddi það, samkvæmt Starmer, að starsfólk í forsætisráðuneytinu væri að ljúga og Johnson einum hafi verið sagt að viðburðurinn tengdist starfinu.

„Áttar hann sig á því hversu fáránlega það hljómar?“ spurði Starmer í þingsal.

Johnson sýndi mynd af Starmer drekkandi bjór

„Ég hef sagt mitt um viðburðina í Downingstræti,“ svaraði Johnson.

Hann lyfti í framhaldinu mynd af Starmer, drekkandi bjór á skrifstofu sinni á tímum útgöngubanns í Bretlandi:

„Hann gæti kannski sagt okkur frá því hvað var í gangi hér?“

„Fólk í ríkisstjórninni hefur unnið hörðum höndum í heimsfaraldrinum til að vernda breskan almenning,“ sagði Johnson.

Keir Starmer. AFP

Starmer sagði að þessi viðbrögð Johnson, að lyfta mynd af honum haldandi á bjór, sýni að forsætisráðherrann sé í meiri vanda við að halda starfi sínu en hann hélt.

Drottningin fór eftir reglunum

Hann spyr enn fremur hvort forsætisráðherrar sem hafi afvegaleitt þingið eigi að segja af sér. Johnson svarar því til að spurningum Starmer verði svarað í rannsókn Sue Gray en hún fer með rannsókn á veislum í Downingstræti árið 2020.

Frétt af mbl.is

Forsætisráðuneytið biður drottninguna afsökunar

Starmer bendir á mynd af Elísabetu drottningu þar sem hún situr ein í jarðarför Fillipussar drottningamanns á síðasta ári en kvöldið áður var veisla í Downingstræti.

„Hún fylgdi reglunum.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

Veislu­höld í Down­ingstræti

Vissi ekki að verið væri að brjóta lög

• Johnson þarf að svara fyrir „Partygate“
• Fimm mál sem leiddu til fallsins
• Geta nú skilið við „Partygate“
• Sagði niðurstöðuna vera „afgerandi“

» Fleiri tengdar fréttir

• Blogga um frétt