Talíbanar væntanlegir í Ósló
Sendinefnd talíbana er væntanleg til Óslóar til að ræða um mannúðaraðstoð.
AFP
Setja bókamerki
Sendinefnd talíbana er væntanleg til Óslóar til að funda með norskum embættismönnum og fulltrúum borgaralegs samfélags í Afganistan um mannúðaraðstoð. Á fundinum verður áhersla lögð á ástandið sem ríkir í Afganistan og mannréttindi.
„Í Ósló munu talíbanar hitta fulltrúa norskra yfirvalda og embættismanna frá fjölda annarra bandalagsríkja,“ segir í tilkynningu norska utanríkisráðuneytisins.
Heimsókn sendinefndarinnar er skipulögð frá sunnudegi og fram á þriðjudag.
Alvarleg mannúðarkrísa hefur vofað yfir í Afganistan þar sem matur og vatn hefur verið af skornum skammti. Miklir þurrkatímar hafa gengið þar yfir með tilheyrandi tjóni fyrir landbúnað þar í landi.
Þingmenn stjórnarflokkanna funda á Þingvöllum
Sjö fluttir á sjúkrahús
Bregðast við: Framtíð Grænlands „ræðst í Nuuk“
Gular viðvaranir víða um land
Ný Tesla Y kynnt
Miklar rakaskemmdir og mygla í Lögbergi
Rannsókn lögreglu á banaslysi aftur hjá ákærusviði