Biden og Scholz funda í Hvíta húsinu
Setja bókamerki
Olaf Scholz, kanslari Þýskalands og Joe Biden, forseti Bandaríkjanna, munu hittast á fundi í Hvíta húsinu þann 7. febrúar næstkomandi til að ræða yfirgang Rússa gagnvart Úkraínu. Þetta staðfestir Jen Psaki, fjölmiðlafulltrúi Hvíta hússins. AFP-fréttastofan greinir frá.
„Heimsókn Scholz gefur tækifæri til að styrkja enn frekar böndin á milli Bandaríkjanna og Þýskalands. Leiðtogarnir munu ræða sameiginlega skuldbindingar sínar og viðleitni til að reyna að koma í veg fyrir frekari ágang Rússa við Úkraínu,“ segir Psaki.
Innrás Rússa í Úkraínu vofir yfir, en yfir 100 þúsund rússneskir hermenn hafa safnast við landamæri ríkjanna. Aðildarríki NATO og vinveittar þjóðir eru með orrustuþotur og herskip reiðubúin til þess að liðsinna úkraínskum hermönnum komi til innrásar Rússa.
Líkur á vatnavöxtum og varað við skriðum
Sjá mikinn viðsnúning og ætla ekki að skerða þjónustu
Þungbært að missa félaga
Útlit fyrir að hallinn verði 17 milljörðum meiri
Altjón eftir að kviknaði í út frá rafmagni