„Ástralska konan sem kærir Ísland“

„Nara Walker: Ástralska konan sem kærir Ísland“ hljómar fyrirsögn The Guradian um mál Walker sem hlaut 18 mánaða dóm hér á landi árið 2017 fyr­ir að bíta hluta úr tungu eig­in­manns síns.

Frétt af mbl.is

Nara kærir íslenska ríkið til MDE

Árið 2019 kærði Walker ásamt átta öðrum konum íslenska ríkið til Mann­rétt­inda­dóm­stóls Evr­ópu.

Walker hefur haldið því fram frá fyrsta degi að um sjálfsvörn hafi verið að ræða og telur hún yfirvöld ekki hafa tekið mark á frásögn hennar.

Frétt af mbl.is

Tungubitið vörn gegn ofbeldi

Konurnar níu sem kæra íslenska ríkið lýsa allar sameiginlegri reynslu þar sem þær sögðust hafa orðið fyrir kynferðisofbeldi, heimilisofbeldi eða kynferðislegri áreitni en saksóknari eða lögregla látið málið niður falla.

Álitin sek en ekki saklaus

Mannréttindadómstólinn bíður nú eftir viðbrögðum frá íslenska ríkinu við kvörtunum Walker en helstu umkvört­un­ar­efni hennar eru að hún hafi ekki notið rétt­ar­vernd­ar sem fórn­ar­lamb heim­il­isof­beld­is þar sem for­saga máls­ins hafi ekki verið skoðuð og því ekki fall­ist á að um sjálfs­vörn hafi verið að ræða.

Þá hafi hún verið álit­in sek, en ekki sak­laus uns sekt henn­ar hafi verið sönnuð og ekki verið kynnt rétt­arstaða sín á til­hlýðileg­an máta. Auk þess hafi meðferð henn­ar verið van­v­irðandi, sem meðal ann­ars hafi lýst sér í því að henni hafi verið meinað að leita sér lækn­isaðstoðar vegna áverka sina.

Þá hafi hún mætt mis­mun­un með fram­an­greindri meðferð, sem lýs­ir sér meðal ann­ars í því að dóm­ur henn­ar - er­lendr­ar konu - sé þyngri en dóma­for­dæmi eru um í sam­bæri­leg­um mál­um.

Var heimilislaus á meðan málsmeðferðin stóð yfir

Íslenska ríkið þarf að skila viðbrögðum sínum fyrir miðjan febrúar. Ef Walker vinnur málið gæti hún átt rétt á skaðabótum.

Í viðtalinu við The Guardian lýsir Walker handtökunni. Meðal annars segir hún að það hafi tekið hana meira en mánuð eftir að hún var handtekin að átta sig á því að hún var til rannsóknar, en ekki eiginmaður hennar.

Á meðan að málsmeðferðin stóð yfir bjó Walker í kvennaathvarfi áður en hún hlaut 18 mánaða fangelsisdóm.

Frétt af mbl.is

Walker laus úr fangelsi

Walker segir að tíminn í fangelsinu á Hólmsheiði hafi verið einmanalegur en að hún hafi skapað mikla list.

Hún býr nú í Darwin-borg í Ástralíu. „Stundum líður mér mjög vel... en svo koma stundirnar þar sem mér líður hræðilega og ég sé engan tilgang. En jafnvel á þeim tímum minni ég sjálfa mig á að þessu mun ljúka.“

• Blogga um frétt