Níu ára drengur lést er hann varð undir tré

Níu ára drengur lést í Bretlandi síðdegis í dag eftir að tré féll á hann. Drengurinn er annar til að láta lífið í storminum Malik sem herjar nú á Bretlandi en í morgun lést kona á sextugsaldri.

Frétt af mbl.is

Lést er tré féll á hana vegna óveðurs

Á vef BBC er greint frá því að drengurinn bjó í Winnothdale nærri Manchester-borg. 

„Fjölskylda drengsins nýtur stuðnings sérþjálfaðs starfsfólks,“ sagði í yfirlýsingu lögreglu á svæðinu en karlmaður varð einnig fyrir sama tré og drengurinn. Maðurinn er á spítala.

Tugir þúsund­a búa nú við raf­magns­leysi þar sem að tré og grein­ar hafa slitið raf­magns­lín­ur. 

• Blogga um frétt