Lyfjafyrirtækin Pfizer og BioNTech munu fara fram á leyfi fyrir tvo skammta af bóluefni gegn Covid-19 sjúkdómnum fyrir börn yngri en fimm ára og allt niður í sex mánaða. Leitast verður eftir heimildinni í þessari viku, jafnvel í dag.

Þetta mun vera síðasti aldurshópurinn í Bandaríkjunum og víðar sem hefur ekki verið gjaldgengur fyrir bólusetningu gegn kórónuveirunni. 

Í janúar samþykkti matvæla- og lyfjaeftirlit Bandaríkjanna (FDA) örvunarskammt með bóluefni Pfizer sem er heimilað fyrir börn niður í 12 ára aldur. Engu að síður er bólusetningarhlutfall í þeim aldurshópi afar lágt – undir 22% ef marka má tölur frá Sóttvarnastofnun Bandaríkjanna.

Rannsaka þriðja skammtinn

Vonir standa til að FDA nái að samþykkja bóluefnið fyrir yngsta aldurshópinn fyrir lok mánaðar. Á meðan beðið er eftir grænu ljósi munu lyfjafyrirtækin halda áfram með rannsóknir á þriðja skammtinum af bóluefni.

Niðurstöður og gögn úr þeim rannsóknum munu þó líklega ekki berast eftirlitinu fyrr en seint í mars.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• Blogga um frétt