Kínverjar styðja Rússa

Kínverjar taka undir afstöðu Rússa um andstöðu við frekari stækkun Atlantshafsbandalagsins (NATO). Þeir saka bandalagið um að aðhyllast hugmyndafræði kalda stríðsins.

Löndin tvö sendu frá sér yfirlýsingu um samkomulag þeirra, en Vladimír Pútín Rússlandsforseti er nú staddur í Kína vegna Vetrarólympíuleikanna.

Bor­is John­son, for­sæt­is­ráðherra Bret­lands, lagði áherslu á að Úkraína hefði full­an rétt á því að sækja um aðild að varn­ar­banda­lagi NATO ef ríkið vildi það. Þetta sagði hann á síma­fundi sín­um síðdeg­is á miðviku­dag við Pútín. Sömuleiðis sagði hann að Kænug­arður ætti að vera með í öll­um viðræðum vegna deilunnar við Rússa.

Frétt af mbl.is

Ræddu friðsamlega lausn á símafundi

Vilji grafa undan Rússlandi

Pútín heldur því fram að vestræn ríki noti NATO til að grafa undan Rússlandi og hefur hann krafist þess að Úkraínu verði meinuð innganga í bandalagið.

Hann hefur sömuleiðis neitað að hann ætli að gera innrás í Úkraínu en um 100.000 rússneskir hermenn eru nú við landamærin að Úkraínu.  

• Blogga um frétt