Björgunaraðgerðum lokið

Björgunaraðgerðir vegna fimm ára drengs sem féll ofan í brunn eru komnar á lokastig og er Marokkóska þjóðin sögð „halda í sér andanum á meðan borað er á snigilshraða“ síðasta spölinn.

Aðeins áttatíu sentímetrar skilja björgunarsveitir frá drengnum og geta björgunarsveitir aðeins borað 20 sentímetra á klukkustund.

Uppfært 21:00

Búið er að bjarga drengnum, ástand hans er óljóst.

Fjöldi fólks fylgist með aðgerðinni. AFP

Frétt af mbl.is

Erfið björgun eftir að drengur féll ofan í brunn

Hafa ekki gefið upp vonina

Rayan, drengurinn sem um ræðir, hefur dvalið neðanjarðar á botni brunnsins í alls fimm daga, eftir hann féll í hann á þriðjudag.

Björgunaraðgerðir hafa, sem segir, gengið hægt þar sem hætta er á að jarðvegurinn á svæðinu gefi sig.

Myndefni sem náðst hefur af drengnum sýnir hann liggjandi á hliðinni, að sögn Abdelhadi Tamrani, sem stýrir aðgerðinni.

Björgunaraðgerðir hafa staðið yfir í fimm daga. AFP

Björgunaraðilar hafa þó ekki gefið upp vonina að hann sé á lífi.

Þrátt fyrir það er „ómögulegt að segja með fullri vissu að hann sé á lífi,“ sagði Tamrani.

Fjöldi fólks fylgist með aðgerðinni og hvetur björgunaraðila áfram. Því lengra sem líður, því minni líkur eru á að honum verði bjargað þaðan á lífi.

• Blogga um frétt