Noregur steig í dag sitt síðasta skref til afléttinga, þegar Jonas Gahr Store tilkynnti um afléttingu nálægðarmarka og grímuskyldu.

Á blaðamannafundi sagði Store að metrinn væri á undanhaldi og ríkistjórnin myndi hætta að  mæla með metra reglunni.

„Nú getum við farið að umgangast fólk eins og fyrir faraldurinn, kíkt á næturlífið, farið á menningarviðburði og svo framvegis“ sagði Store við blaðamenn.

Einangrun ekki skylda

Noregur aflétti nær öllum takmörkunum fyrr í mánuðinum á borð við samkomutakmarkanir, takmarkanir á áfengissölu og fjarvinnu.

Í dag var einnig gefið út að ekki sé lengur skylda að fara í fjögurra daga einangrun vegna kórónuveirusmits heldur aðeins mælt með því. Börn með öndunarfæra einkenni þurfa ekki að fara í veirupróf.

Store áréttaði þó að faraldrinum væri ekki lokið og ráðlagði óbólusettum og áhættuhópum að bera enn grímu og halda fjarlægð.

Heilbrigðisráðuneyti Noregs tilkynnti að toppnum á Ómíkron-bylgjunni væri ekki enn náð en það býst við að honum verði náð á næstu dögum.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt