Ekki einn einasti hermaður Rússa verði eftir
Setja bókamerki
Vladimír Makei, utanríkisráðherra Hvíta-Rússlands, segir að „ekki einn einasti“ rússneski hermaður muni verða eftir í landinu eftir að umfangsmiklum sameiginlegum heræfingum ríkjanna tveggja lýkur.
Þetta tjáði Makei blaðamönnum á fundi í höfuðborginni Minsk í dag.
Varnarmálaráðuneytið og forsetinn Alexander Lúkasjenkó hefðu látið þetta skýrt í ljós.
Engin raunveruleg merki
Rússnesk stjórnvöld tilkynntu fyrr í vikunni um endalok nokkurra heræfinga nærri landamærum Úkraínu, þar á meðal innan Hvíta-Rússlands.
En Vesturlönd óttast enn mögulega innrás í Úkraínu og hafa fullyrt að engin merki sjáist enn um að herlið sé raunverulega að hörfa til baka.
Enginn vilji stríð
Atlantshafsbandalagið hefur sagt heræfingar Rússa í Hvíta-Rússlandi sérstaklega uggvegkjandi. Þær marki hættulega stund fyrir Evrópu.
Makei kveðst hafa sagt stjórnvöldum í Kænugarði að það sem eigi sér stað við landamærin þýði ekki að neinn ætli að gera árás af nokkru tagi.
„Hvorki Moskva, né Minsk, né Kænugarður,“ vill stríð, sagði hann.
Buðu upp á æfingar án öryggisúttektar
Svo er framtíðin óskrifað blað
Tilkynningar um tjón á fjórða hundrað
Vottar Jehóva fyrir áfrýjunardómstól
Lofaði kjósendum að knýja fram breytingar
„Ég veit hver aðkoma ráðuneytisins var“
Ekkert breyst í samstarfinu nema fylgi flokkanna
„Sá það bara hverfa í einni vindhviðu“