Milljónir halda sig heima í vonskuveðri

Milljónum er sagt að halda sig heima nú þegar versti stormur í áratugi gengur á land á suðurhluta Bretlands. Rauð veðurviðvörun er í gildi en hún nær til suður- og austurhluta Englands og Wales.

Rauða viðvörunin tók gildi klukkan sjö í morgun og gildir til þrjú í dag.

Bú­ist er við að vind­ur nái allt að 45 m/​s og þá gæti mik­il snjó­koma fylgt og jafn­vel snjó­byl­ur.

Frétt af mbl.is

Varað við lífshættulegu veðri í Englandi

Hundruðum skóla hefur verið lokað á Englandi sem og flestum skólum í Wales. Samgöngur falla víða niður en rauðar veðurviðvaranir tákna hættu á að tré rifni upp með rótum, þök fjúki af húsum og rafmagnslínur slitni.

Fólk hefur verið hvatt til að binda hluti niður fasta sem eru utandyra, loka gluggum og koma bílum inn í bílskúra, sé slíkt mögulegt.

Veðurfræðingar gera ráð fyrir því að óveðrið, sem kallað er Eunice, muni valda tjóni en ómögulegt sé að segja til um nákvæmlega hversu slæmt veðrið verður.

• Blogga um frétt