Elísabet Bretadrottning hefur greinst með kórónuveiruna. Þetta kemur fram í tilkynningu konungsfjölskyldunnar. Guardian greinir frá.

Drottningin, sem er 95 ára að aldri, er með væg kvefeinkenni og mun halda áfram að sinna ákveðnum skyldustörfum út vikuna. Hún verður þó undir læknaeftirliti og mun fylgja viðeigandi leiðbeiningum, að því er fram kemur í tilkynningunni.

Elsti sonur drottningarinnar, Karl Bretaprins, greindist í síðustu viku með veiruna en skömmu fyrir það hafði Elísabet verið í samskiptum við hann.

Frá því að í ljós kom að drottningin hefði mögulega verið berskjölduð fyrir kórónuveirusmiti hefur hún setið fundi sem fara fram í gegnum fjarfundarbúnað.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• Blogga um frétt