Halda kyrru fyrir í Kænugarði
Skúli Halldórsson
Setja bókamerki
Sendiherra Frakklands í Úkraínu, Etienne de Poncins, hyggst halda kyrru fyrir í höfuðborginni Kænugarði ásamt starfsliði sínu.
Ákvörðunin hefur vakið athygli í ljósi þess að sendiráð flestra stærstu vestrænu ríkjanna hafa brugðið á það ráð að flytja starfsfólk sitt og starfsemi til borgarinnar Lviv í vesturhluta landsins, fjær landamærunum við Rússland.
Sendiherrann staðfesti þetta í tísti í gærkvöldi, í kjölfar gagnrýni á að vestrænir stjórnarerindrekar væru að yfirgefa borgina og þá sem þurfa á þjónustu þeirra að halda.
Rússar fóru heim
Stjórnvöld Rússlands staðfestu fyrir rúmri viku að þau væru farin að senda heim sendiráðsstarfsfólk sitt frá Úkraínu.
Báru þau fyrir sig ótta við aðgerðir af hálfu yfirvalda í Kænugarði eða annarra ríkja sem telja innrás Rússa í Úkraínu yfirvofandi.
„Vegna ótta við mögulegar aðgerðir af hálfu yfirvalda í Kænugarði eða annarra landa, höfum við ákveðið að fækka í starfsliði rússneskra erindreka í Úkraínu,“ sagði Maria Zakharova, talskona rússneska utanríksiráðuneytisins, á blaðamannafundi.
Bretar fluttu til Lviv
Sendiráð Bandaríkjanna flutti starfsemi sína til Lviv fyrr í mánuðinum. Stjórnvöld Kanada og Ástralíu hafa gert slíkt hið sama.
Antony Blinken utanríkisráðherra Bandaríkjanna hefur sagt að sú ógn, sem vofir yfir vegna hugsanlegrar innrásar Rússa í Úkraínu, réttlæti það að flytja á brott sendiráðsstarfsfólk Bandaríkjanna.
Sendiráð Þýskalands stendur enn opið í Kænugarði. Bretar hugðust fara sömu leið en hafa síðan flutt starfsemina til Lviv. Þaðan tísti breski sendiherrann mynd í gær:
„Grafalvarlegt að talningin hafi ekki staðist“
Bjartsýn á að opna nýjan Kársnesskóla næsta haust
Meðvitundarlaus kona dregin upp úr Silfru
Stúlkan enn í lífshættu: Rannsókn miðar vel
Höfum nægan tíma til að bregðast við
Nóróveiran gengur enn um hálendið
Líkfundur: „Höfum grun um hvaða maður þetta er“