Flugfélög aflýsa ferðum til Úkraínu
Setja bókamerki
Úkraínsk yfirvöld segja að lofthelgi landsins sé enn opin þrátt fyrir tilkynningu um að tíu flugfélög hafi gert breytingar á flugferðum þangað vegna vaxandi spennu á landamærum Rússlands og Úkraínu.
„Núverandi breytingar margra erlendra flugfélaga á flugferðum ráðast eingöngu af upplýsingum um aukna spennu en ekki vegna raunverulegra breytinga á flugöryggi,“ sagði Oleksendar Kubrakov, innviðaráðherra Úkraínu, á blaðamannafundi.
Hann bætti við að „ríkið er að vinna í því finna aðrar flugferðir í staðinn fyrir þær sem var aflýst“ og benti á að helsta flugfélag Úkraínu hafi þegar opnað fyrir miðasölu og aukið framboð á flugferðum frá Kænugarði til München og Genf.
Þó nokkur evrópsk flugfélög hafa tilkynnt að þau hafi annað hvort aflýst eða fækkað flugferðum sínum til Úkraínu af öryggisástæðum. Á meðal þeirra er þýska flugfélagið Lufthansa og hið franska Air France.
Ísland mun styðja við uppbyggingu í lok stríðs
Þingmenn stjórnarflokkanna funda á Þingvöllum
Áhrif örvandi fíkniefna meginorsök banaslyss
Borgarstjóri LA virti blaðamenn að vettugi
Óásættanlega langur tími
Hóflega bjartsýn á að samningar náist
Stefnt að því að auka ekki útgjöld á árinu