Herstöðvarandstæðingar ætla að funda um innrásina í Úkraínu á morgun og munu senda yfirlýsingu um afstöðu sína til fjölmiðla að loknum þeim fundi.

Guttormur Þorsteinsson formaður Samtaka herstöðvarandstæðinga segir í samtali við mbl.is að búið sé að boða til fundar á morgun og yfirlýsing frá þeim komi í kjölfarið.

Vonar að þetta fari ekki úr böndunum

„Við erum aðeins að meta ástandið og það er kannski fullsnemmt að tala um allsherjar innrás á þessum tímapunkti. En vissulega er ástandið mjög skuggalegt og við viljum skoða málin betur á morgun áður en við sendum frá okkur yfirlýsingu,“ sagði Guttormur og hélt áfram:

„Við erum að meta stöðuna og hvað hefur breyst með þessu nýjasta útspili Pútíns. Maður verður bara að vona að þetta fari ekki úr böndunum.“

Tengdar fréttir

Úkraína

Hljóðið óvenju þungt í Selenskí

• Fyrrverandi þingkona skotin til bana
• Tveir menn létust í loftárás Rússa
• Trump ræddi við Selenskí
• „Í raun og veru alveg óskiljanlegt“

» Fleiri tengdar fréttir

• Blogga um frétt