Evrópusambandið hefur sett fram tillögur sínar um þvinganir gagnvart Rússlandi í kjöl­far yf­ir­lýs­ing­ar Rússa um sjálf­stæði tveggja svæða í aust­ur­hluta Úkraínu í gær og svo innrás inn í landið með herflutningi yfir landamærin á fyrrnefnd svæði.

Í tillögunum felast þvinganir sem eiga að beinast að:

• Þeim sem tóku þátt í yfirlýsingu Rússa um sjálfstæði svæðanna.
• Bönkum sem fjármagna rússneska herinn og aðra starfsemi á þessum svæðum.
• Möguleikum rússneska ríkisins til að tengjast evrópskum fjármagnsmörkuðum og fjármagnsþjónustu og þannig koma í veg fyrir fjármögnun árásargjarnrar stefnu.
• Viðskiptum svæðanna tveggja við Evrópusambandslönd þannig að þeir sem beri ábyrgð á þróuninni finni fyrir efnahagslegum afleiðingum af ólöglegum og árásagjörnum aðgerðum.

Í tilkynningu frá sambandinu segir að ákvörðun Rússlands hafi brotið alþjóðleg lög og brotið á fullveldi Úkraínu. Mun óformlegur fundur utanríkisráðherra ESB eiga sér stað klukkan þrjú að íslenskum tíma og verða formlegar tillögur í framhaldinu lagðar fram.

Tengdar fréttir

Úkraína

Geta hvorki staðfest né neitað fyrir samskiptin

• Börn í Úkraínu fengu gjafir frá Íslandi
• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi

» Fleiri tengdar fréttir

• Blogga um frétt