Úkraínsk stjórnvöld hafa hvatt samherja sína á Vesturlöndum til að beita Rússa „hörðum refsiaðgerðum“ eftir að Vladimir Pútín Rússlandsforseti viðurkenndi sjálfstæði tveggja svæða í Úkraínu og ákvað að senda þangað inn hersveitir.

Frétt af mbl.is

ESB tilkynnir viðskiptaþvinganir í dag

Bandaríkin, Bretland og Evrópusambandið hafa öll tilkynnt að Rússar verði beittir viðskiptaþvingunum. Hlutabréf í Evrópu hafa fallið og olíuverð hækkað í kjölfarið.

Talið er að rússneskar hersveitir séu þegar komnar inn í Donetsk og Lugansk í austurhluta Úkraínu eftir að Pútín fyrirskipaði her sínum að sinna „friðargæslu“ á svæðum aðskilnaðarsinna.

Vladimir Pútín Rússlandsforseti AFP

Í yfirlýsingu sem var gefin út vegna heimsóknar Dmytro Kuleba, utanríkisráðherra Úkraínu, til Washington, sagðist hann vera í samstarfi með vestrænum vinaþjóðum landsins „við að koma á hörðum refsiaðgerðum gegn Rússlandi“.

„Rússar eru að reyna að ögra Úkraínu. Þess í stað þá sýnir Úkraína visku sína og þrautseigju til að koma í veg fyrir vopnuð átök,“ bætti hann við.

Paolo Gentiloni. AFP

Stóraukin efnahagsleg óvissa

Paolo Gentiloni, efnahagsstjóri í framkvæmdastjórn ESB, sagði að með því að viðurkenna sjálfstæði svæða í Úkraínu hafi Rússar „stórlega aukið“ efnahagslega óvissu í Evrópusambandinu.

„Óvissan heldur áfram. Það að Rússar viðurkenni sjálfstæði tveggja svæða aðskilnaðarsinna í Úkraínu mun auka þessa óvissu stórlega,“ sagði Gentiloni.

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• Blogga um frétt