Vilja að Zelenskí fari til Lviv
Setja bókamerki
Bandarísk stjórnvöld hafa lagt það til við Volodymyr Zelenskí, forseta Úkraínu, að hann flytji sig frá Kænugarði til borgarinnar Lviv, sem er mun vestar í landinu og um 70 kílómetrum frá landamærunum að Póllandi.
Fréttastofa ABC-sjónvarpsstöðvarinnar hefur þetta eftir bandarískum embættismanni, sem tjáði sig undir nafnleynd.
Allt starfslið Bandaríkjanna yfirgefi Úkraínu
Flest vestræn ríki hafa þegar flutt sendiráð sín til Lviv vegna innrásarógnarinnar, en Joe Biden Bandaríkjaforseti sagði á föstudaginn að Bandaríkjamenn teldu að takmark innrásar Rússa yrði að sækja að Kænugarði.
Fyrr í kvöld ákvað svo bandaríska utanríkisþjónustan að allt starfslið sinna sendiráða myndi yfirgefa Úkraínu.
Sendiherrar Frakklands og Þýskalands hyggjast vera áfram í Kænugarði, samkvæmt síðustu upplýsingum þaðan.
Spyr sig hvers vegna leyfi var gefið
Myndskeið: Ferðamenn flykkjast á Grindavíkurveg
Aldrei um neitt annað að ræða en að klára verkið
Ætlar að vanda sig enda viðkvæmt mál
Líkfundur: „Höfum grun um hvaða maður þetta er“
Fjáröflunin gegn stefnu þjóðgarðsins
Konan sem missti meðvitund var í köfunarferð
Hroðaleg þróun sem þarf að bregðast við