Íslensk yfirvöld hafi ekki gefið út opinbera yfirlýsingu þar sem íslenskir ríkisborgarar staðsettir í Úkraínu eru hvattir til þess að yfirgefa landið, en Ísland heldur ekki úti sendiskrifstofu í landinu. 

„Við erum í nánu sambandi við íslenska ríkisborgara sem eru í Úkraínu og hvetjum þá til að fylgjast mjög vel með framvindunni og kynna sér ferðaviðvaranir annarra ríkja. Við erum ekki að gefa út opinberar yfirlýsingar, en höfum hvatt fólk til að fylgjast með viðvörunum annarra ríkja og þær eru nú flestar á þann veg að það sé ráð að huga að brottför,“ segir Sveinn Guðmarsson upplýsingafulltrúi utanríkisráðuneytisins í samtali við mbl.is.

23 skráðir í Úkraínu

Síðastliðna viku hafa 23 verið skráðir hjá borgaraþjónustu utanríkisráðuneytisins sem staðsettir í Úkraínu. Á meðal þeirra eru 15 íslenskir ríkisborgarar og átta einstaklingar með náin tengsl við íslenska ríkisborgara. 

Frétt af mbl.is

Íslendingar í Úkraínu láti vita af sér

Nú síðast í kvöld gáfu yfirvöld í Frakklandi út yfirlýsingu þar sem franskir ríkisborgarar í Úkraínu eru hvattir til að yfirgefa landið „án tafar“. 

Frétt af mbl.is

Franskir ríkisborgarar yfirgefi Úkraínu

Tengdar fréttir

Úkraína

Geta hvorki staðfest né neitað fyrir samskiptin

• Börn í Úkraínu fengu gjafir frá Íslandi
• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi

» Fleiri tengdar fréttir

• Blogga um frétt