Antonio Guterres aðalritari Sameinuðu þjóðanna biðlaði í nótt til Vladimírs Pútín Rússlandsforseta um að „gefa frið tækifæri“. Neyðarfundur Öryggisráðs Sameinuðu þjóðanna hófst skömmu eftir klukkan 2.30 í nótt. Guterres ávarpaði ráðið í upphafi fundarins. 

Guterres sagði daginn hafa verið fullan af orðrómum um mögulega yfirvofandi innrás Rússa í Úkraínu.

„Í nýlegri fortíð voru nokkur tilfelli svipaðra orðróma. Og ég trúði þeim aldrei, vissur um að ekkert alvarlegt myndi gerast. Ég hafði rangt fyrir mér. Ég vil ekki hafa aftur rangt fyrir mér í dag,“ sagði Guterres og vísaði hann þar að öllum líkindum til innleiðingu Rússa á Krímskaga árið 2014.

Of margir þegar dáið

Guterres ávarpaði Pútín beint í ávarpi sínu og biðlaði hann til forsetans um að fyrirskipa herliði sínu að ráðast ekki inn í Úkraínu. 

„Gefðu frið tækifæri. Of margir hafa þegar dáið,“ sagði Guterres. 

Skömmu eftir ávarp aðalritarans til­kynnti Pútín í sjón­vörpuðu ávarpi að hann hefði fyrirskipað her sínum að ráðast inn í Úkraínu.

https://www.mbl.is/frettir/erlent/2022/02/24/beint_russar_radast_inn_i_ukrainu/

Tengdar fréttir

Úkraína

Geta hvorki staðfest né neitað fyrir samskiptin

• Börn í Úkraínu fengu gjafir frá Íslandi
• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi

» Fleiri tengdar fréttir

• Blogga um frétt