Tékkland og Lettland tilkynntu í dag að þau hefðu hætt útgáfu vegabréfsáritana til rússneskra ríkisborgara í kjölfar innrásar Rússa í Úkraínu.

„Við erum að fresta afgreiðslu umsókna um vegabréfsáritun frá rússneskum ríkisborgurum á öllum ræðisskrifstofum okkar að undanskildum mannúðarmálum,“ sagði Petr Fiala, forsætisráðherra Tékklands.

Fiala tilkynnti einnig lokun tékkneskra ræðisskrifstofa í rússnesku borgunum Sankti Pétursborg og Jekaterínborg. Þá hafa ræðisskrifstofur Rússlands í tékknesku borgunum Karlovy Vary og Brno ekki lengur leyfi til að starfa.

Banna rússneskar sjónvarpsstöðvar

Edgars Rinkevics, utanríkisráðherra Lettlands, tísti í dag að hann hefði ákveðið að kalla inn sendiherra Lettlands frá Rússlandi.

Lettland tilkynnti einnig í dag þá ákvörðun að banna þrjár rússneskar sjónvarpsstöðvar í þrjú til fimm ár.

Tengdar fréttir

Úkraína

Geta hvorki staðfest né neitað fyrir samskiptin

• Börn í Úkraínu fengu gjafir frá Íslandi
• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi

» Fleiri tengdar fréttir

• Blogga um frétt