Herflutningavél Rússa hrapaði og allir fórust
Flugvélin sem hrapaði var af gerðinni An-26.
AFP
Setja bókamerki
Rússnesk Antonov An-26 herflutningavél sem var að flytja herbúnað hrapaði í suðurhluta Voronezh-héraðs í Rússlandi með þeim afleiðingum að allir áhafnarmeðlimir um borð létu lífið, að sögn varnarmálaráðuneytis Rússlands.
Voronezh-héraðið er nálægt landamærum Úkraínu.
„Í skipulögðu flugi til að flytja hergögn hrapaði An-26 flugvél,“ sagði varnarmálaráðuneytið í yfirlýsingu sem birtist í rússneskum fréttamiðlum.
„Áhöfnin lést,“ stóð í yfirlýsingunni, án þess að frekar upplýsingar væru gefnar. Talsmaður varnarmálaráðuneytisins, sem ræddi við AFP, staðfesti slysið en neitaði að segja hversu margir áhafnarmeðlimir hefðu farist.
Fjögur útköll á sólarhring og stefnir í metár
Stúlkan enn í lífshættu: Rannsókn miðar vel
Meðvitundarlaus kona dregin upp úr Silfru
Bjartsýn á að opna nýjan Kársnesskóla næsta haust
Ekki vitað um alvarleg veikindi
Höfum nægan tíma til að bregðast við
Líkfundur: „Höfum grun um hvaða maður þetta er“