Forseti Litháen Gitanas Nauseda skrifaði í dag undir tilskipun sem lýsir yfir neyðarástandi í landinu í kjölfar innrásar Rússa í Úkraínu. 

Tilskipunin gefur yfirvöldum meira svigrúm til þess að bregðast við ógnum gegn almannaöryggi og auka landamæraeftirlit. 

Neyðarástandið tók gildi klukkan 11 í morgun og er í gildi til 10. mars hið minnsta. Nauseda boðaði jafnframt til neyðarfundar litháenska þingsins í dag.  

Fara fram á neyðarfund

Yfirvöld í bæði Litháen og Póllandi hafa farið fram á að 4. grein stofnsáttmála Atlantshafsbandalagsins verði virkjuð, en samkvæmt greininni skulu fulltrúar allra aðildarríkja koma saman á neyðarfundi sé nokkru aðildarríki ógnað. 

Leiðtogar aðildarríkja Atlantshafsbandalagsins munu halda myndbandsfund á föstudagmorgun, en í yfirlýsingu bandalagsins fyrr í dag var því lýst yfir að bandalagið séu reiðubúið að verja sig gagnvart rússneskri ógn á aðildarríkin.

Frétt af mbl.is

Hætta útgáfu vegabréfsáritana til Rússa

Tengdar fréttir

Úkraína

Geta hvorki staðfest né neitað fyrir samskiptin

• Börn í Úkraínu fengu gjafir frá Íslandi
• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi

» Fleiri tengdar fréttir

• Blogga um frétt