Sögðu herskipi að fara til fjandans og voru drepnir
Setja bókamerki
13 úkraínskir varðmenn á Snákaeyju, lítilli úkraínskri eyju í Svartahafi, neituðu að gefast upp fyrir rússneskum hermönnum sem þangað komu á skipi. Úkraínsku varðmennirnir stóðu á sínu og voru drepnir af rússnesku hersveitinni í kjölfarið.
Hljóðupptaka af síðustu orðum varðanna hefur farið í dreifingu á Twitter, TikTok og öðrum samfélagsmiðlum.
„Rússneska herskip, farðu til fjandans“
Hermaður í rússneska skipinu segir við úkraínsku hermennina: „Ég legg til að þið gefist upp, annars mun ég skjóta, skiljið þið það?“
Úkraínsku varðmennirnir segja þá: „svona endar þetta“, áður en þeir svara rússneska hermanninum með setningunni: „Rússneska herskip, farðu til fjandans.“
Volodimír Zelenskí, forseti Úkraínu, lofaði hugrekki varðmannanna og sagði að þeir verði allir heiðraðir sem stríðshetjur.
„Þeir dóu hetjudauða en gáfust ekki upp,“ sagði Zelenskí um varðmennina.
„Þeir verða allir heiðraðir. Við munum minnast þeirra að eilífu sem gáfu Úkraínu líf sitt.“
Fornt íslenskt handrit fannst í Kanada
Göngumaðurinn fundinn
Sérsveitin kölluð til aðstoðar á Suðurlandi
Vandræði Afganistan: ISIS-K, landamæri og yfirráð
Kærir niðurfellingu máls til ríkissaksóknara
Vorum blekktir og erum líka fórnarlamb
Glöð að Assange sé frjáls þrátt fyrir ásökunina