Jón Gunnarsson innanríkisráðherra segist hafa fordæmt „viðbjóðslegan stríðsrekstur Rússlands“ og ítrekað stuðning Íslands við Úkraínu, á fundi með öðrum ráðherrum dóms- og innanríkismála í ESB og á Schengen-svæðinu í Brussel í dag.

Ráðherrarnir ræddu þar mannúðaraðstoð, flóttamannamál, vegabréfsáritanamál og öryggi ytri landamæra Schengen-svæðisins.

Frá fundinum í dag. Ljósmynd/Stjórnarráðið

Fordæmdu aðgerðir Rússa

Í tilkynningu frá stjórnarráðinu segir að Jón hafi sótt fundinn fyrir Íslands hönd og hann hafi fordæmt aðgerðir Rússlands og ítrekað stuðning Íslands við Úkraínu.

Enn fremur kemur fram að ráðherrarnir hafi allir sem einn fordæmt aðgerðir Rússa og ítrekað stuðning og samábyrgð með Úkraínu.

Sömuleiðis segir að Jón Gunnarsson hafi upplýst um veitta mannúðaraðstoð íslenskra stjórnvalda í formi fjárframlags.

Þá tilkynnti ráðherrann einnig að Ísland myndi fylgja fordæmi Evrópusambandsins í vegabréfsáritanamálum og rifta áritanasamningi við rússnesk yfirvöld.

Tengdar fréttir

Úkraína

Geta hvorki staðfest né neitað fyrir samskiptin

• Börn í Úkraínu fengu gjafir frá Íslandi
• Rússar og Úkraínumenn skiptast á hundruðum stríðsfanga
• Engin skemmdarverk voru unnin á sæstrengnum
• Úkraínskir hermenn teknir af lífi

» Fleiri tengdar fréttir

• Blogga um frétt