Þjóðverjar setja aukið fjármagn í varnarmál
Setja bókamerki
Þýskaland mun verja 100 milljörðum evra í herbúnað á þessu ári. Landið mun því verja yfir tvö prósent af efnahagsframleiðslu sinni til varnarmála á þessu ári.
Þetta sagði Olaf Scholz kanslari Þýskalands í dag.
Þannig hefur innrás Rússa í Úkraínu fengið stærsta hagkerfi Evrópu til breyta stefnu sinni í varnamálum.
Líkt og mbl.is greindi frá í gær þá hafa þýsk stjórnvöld ákveðið að senda Úkraínumönnum vopn af eigin vopnabirgðum til að aðstoða þá við að verjast árásum rússneska hersins.
Vill varnarmálasjóð í stjórnarskrána
„Við munum stofna sérstakan „Bundeswehr' sjóð,“ sagði Scholz og bætti við að fjármagnið yrði notað til fjárfestinga og í vopnaþróun.
„Héðan í frá munum við árlega fjárfesta yfir tveimur prósentum af landsframleiðslu í varnarmál okkar,“ sagði hann og kallaði eftir því að sérstakur varnarmálasjóður yrði skráður inn í stjórnarskrána.
Kvika spáir í stýrivextina
Ný Tesla Y kynnt
Óásættanlega langur tími
60 þúsund byggingar taldar í hættu
Ráðamenn þurfa að hafa búið áður á staðnum
Ísland mun styðja við uppbyggingu í lok stríðs
Borgarstjóri LA virti blaðamenn að vettugi
Þingmenn stjórnarflokkanna funda á Þingvöllum