Ætla sér að umkringja borg við Krímskaga
Borgin liggur nærri Krímskaga og héruðum sem eru undir stjórn aðskilnaðarsinna.
AFP
Setja bókamerki
Borgin Mariupol í suðausturhluta Úkraínu við Azov-haf er nú rafmagnslaus eftir látlausar árásir Rússa en búið er að skera á rafmagnsleiðslur. Denis Pushilin, leiðtogi aðskilnaðarsinna í Donetsk-héraðinu sem nýtur stuðnings Rússa, segir markmiðið í dag vera að umkringja borgina.
Mariupol er talin mikilvæg hafnarborg en íbúar hennar telja um 400 til 500 þúsund manns.
Á síðustu fimm dögum hafa árásir verið gerðar á íbúðahverfi. Innviðir hafa skemmst og fjöldi fólks slasast, þar á meðal börn. Fjöldi látinna liggur ekki fyrir.
Borgin liggur nærri svæði sem er undir stjórn aðskilnaðarsinna og Krímskaga sem Rússar tóku yfir árið 2014. Þegar átökin brutust út árið 2014 var Mariupol hernumin af aðskilnaðarsinnum á tímabili.
Alvarlegasta rafmagnsleysið síðan 2019
Lið Manchester United flýgur með Icelandair
Hátt í 80 tilkynningar borist um tjón
Að lágmarki 15.500 urðu fyrir áhrifum
Hætta að taka við reiðufé í búðinni
Veitur að hefja leit að heitu vatni
Seðlabankastjóri: „Vaxtalækkunarferlið er hafið“