Rússneskar orrustuþotur rufu sænska lofthelgi
Rússnesk SU-24 á flugi.
AFP
Setja bókamerki
Fjórar rússneskar orrustuþotur rufu sænska lofthelgi í dag, austur af Gotlandi í Eystrasalti.
Frá þessu greinir sænski herinn í tilkynningu. Þoturnar voru af gerðinni Su-24 og Su-27.
Sænskar orrustuþotur voru sendar á loft til að bregðast við lofthelgisbrotinu og segir yfirmaður flughersins, Carl-Johan Edström, að í ljósi ríkjandi aðstæðna sé atvikið tekið mjög alvarlega.
Brynvarin bifreið sænska hersins á ferð um götur Gotlands, þar sem haldið er úti herstöð.
AFP
Óábyrg hegðun
„Þetta sýnir að viðbúnaður okkar er góður. Við vorum á vettvangi til að tryggja lofthelgina og landamæri Svíþjóðar. Við höfum fulla stjórn á ástandinu,“ er haft eftir Edström í tilkynningunni.
Um sé að ræða ófagmannlega og óábyrga hegðun af hálfu Rússlands.
Greint var frá því á mbl.is fyrr í dag að sænska ríkisstjórnin hygðist styrkja her landsins.
Þungt hugsi yfir ofbeldinu
Endurskoða starfsleyfi bálstofu kirkjugarðanna
Oddvitaviðtöl í Reykjavík suður
Skúli sýknaður en 780 milljóna greiðslum rift
„Áhugavert að sjá skjálfta þarna“
Fordæma árásir á ísraelska áhangendur
Engin læknisþjónusta á heilsugæslunni í verkfalli