Eistneskt flutningaskip sökk við strendur Úkraínu eftir að mikil sprenging varð um borð. Skipstjórinn telur nokkuð víst að skipið hafi siglt á tundurdufl.
Tveir skipverjar náðu að koma sér í björgunarbát en fjögurra er saknað, að því er fram kemur í frétt Reuters.
Helt, flutningaskipið sem um ræðir, sökk í Svartahafi nærri úkraínsku hafnarborginni Odessa sem staðsett er í suðurhluta Úkraínu.