Að minnsta kosti 47 létu lífið eftir loftárás á íbúðahverfi í úkraínsku borginni Chernihiv í gær. 

Ekkert lát hefur verið á árásum hersveita Rússa á borgina síðust daga. Í loftárásinni í gær var eyðilagðist fimm hæða íbúðabygging og skemmdir urðu á heilsugæslu og spítala. Neyddust íbúar til að flýja heimili sín og í neðanjarðarbyrgi.

Samkvæmt upplýsingum frá yfirvöldum Úkraínu dóu 38 karlmenn og níu konur, og 18 særðust.

Enginn hernaðarleg skotmörk

„Við heyrum hljóðin frá loftárásunum í þessum töluðu orðum,“ sagði Svitlana íbúi borgarinnar í samtali við blaðamann BBC. 

„Það eru engin hernaðarleg skotmörk hér, bara kirkjugarður, íbúðablokkir, heilsugæslur og sjúkrahús. Af hverju eru þau að sprengja okkur?“

Rússnesk stjórnvöld hafa lagt meiri þunga í loftárásir á Úkraínu frá því í gær og halda áfram að sitja um íbúðahverfi í borgunum Maríupól, Borodjanka og Karkív.

Tengdar fréttir

Úkraína

Ísland mun styðja við uppbyggingu í lok stríðs

• Pútín tilbúinn í viðræður við Trump
• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn

» Fleiri tengdar fréttir

• Blogga um frétt