Krefst harðari refsiaðgerða
Setja bókamerki
Úkraínumenn krefjast þess að Vesturlönd beiti Rússa enn harðari refsiaðgerðum í kjölfar árásar á Saporisjí-kjarnorkuverið í nótt sem þeir hafa nú tekið yfir.
Eldur kviknaði í orkuverinu í kjölfar sprengjuárásar Rússneskra hersveita en búið er að slökkva hann núna. Úkraínskar eftirlitsstofnanir segja engan leka hafa mælst.
„Nauðsynlegt er að herða refsiaðgerðir gegn kjarnorkuhryðjuverkaríkinu, tafarlaust,“ sagði Volodimír Selenskí forseti Úkraínu og vísar þá til Rússlands. Hann óttast að frekari átök við orkuverið geti leitt til kjarnorkuslyss.
Hefði mögulega orðið endirinn á sögu Evrópu
Í ávarpi sínu í morgun sagði hann það aldrei áður hafa komið fyrir í allri mannkynssögunni að ráðist væri á kjarnorkuver. „Þessi nótt hefði geta verið endirinn á sögu Úkraínu og Evrópu,“ sagði Selenskí.
Hann sakaði Rússa um að vilja endurtaka harmleikinn frá Tjernobyl árið 1986 og sagði slys í Saporisjí-kjarnorkuverinu, sem er það stærsta í Evrópu, geta orðið allt að sex sinnum verra.
„Rússnesku skriðdrekarnir vissu hvað þeir voru að skjóta á, þeir miðuðu beint á kjarnorkuverið.“
Konan sem missti meðvitund var í köfunarferð
Aldrei um neitt annað að ræða en að klára verkið
Nóróveiran gengur enn um hálendið
Fjögur útköll á sólarhring og stefnir í metár
„Gefið í skyn að þetta sé öruggt“
Stúlkan enn í lífshættu: Rannsókn miðar vel