Segir Hvítrússa ekki ætla að taka þátt
Setja bókamerki
Alexander Lúkasjenkó forseta Hvíta-Rússland segir þjóð sína ekki ætla taka þátt í hernaðaraðgerðum Rússa í Úkraínu, að því er fram kemur í frétt Reuters.
Þá kveðst hvítrússneski forsetinn hafa átt langt samtal við Vladimír Pútín Rússlandsforseta í gegnum síma fyrr í dag.
Áhyggjur hafa verið uppi um að Hvíta-Rússland muni veita Rússum liðsinni í innrásinni. Er það m.a. mat bandaríska öldungadeildarþingmannsins Marco Rubio, en hann er einn átta þingmanna bandaríkjaþings sem fá reglulega upplýsingar frá leyniþjónustum þar í landi, embættis síns vegna.
Vísbendingar eru uppi um að Lúkasjenkó hafi undir höndum umtalsverðar upplýsingar um áform Rússa vegna innrásarinnar. Á ljósmynd sem birtist að kvöldi mánudags má sjá Lúkasjenkó við hlið landakorts þar sem búið er að merkja örvar sem tákna leiðirnar sem rússneski herinn hefur farið.
Þá eru einnig merktar leiðir fyrir árásir sem hafa ekki enn raungerst.
Héldu sameiginlegar heræfingar
Úkraínsk stjórnvöld hafa sagt gögn sín gefa til kynna að um þrjú hundruð hvítrússneskir skriðdrekar bíði færis við landamæri ríkjanna í norðri.
Þá héldu Rússnesk og hvítrússnesk herlið sameiginlegar heræfingar dagana áður en innrás Rússlands hófst í Úkraínu. Eftir breytingar á stjórnarskrá landsins geta Hvítrússar einnig hýst kjarnavopn og rússnesk herlið til frambúðar.
Hátt í 80 tilkynningar borist um tjón
Gerðu 17 loftárásir á Beirút í nótt
Fá ýmsa þjónustu gjaldfrjálst
Efling samdi við SFV
Skjáskot úr einkaspjalli rædd á þingflokksfundi
Byrlunarmálinu alls ekki lokið
Segir Trump ekki eiga að njóta friðhelgi
„Við fjölskyldan erum endalaust þakklát“