Tékkar ganga til liðs við Úkraínuher
Setja bókamerki
Tékkar sem halda til Úkraínu og berjast við hlið heimamanna munu ekki sæta refsingu að því er tékknesk stjórnvöld tilkynntu í dag.
„Forsetinn hefur vald til þess að tryggja refsileysi vegna þessa,“ sagði Petr Fiala forsætisráðherra Tékklands eftir fund með forseta Tékklands, Milos Zeman.
Tékkland er eitt ríkja Atlantshafsbandalagsins.
Um 400 sótt um að ganga til liðs við Úkraínuher
Samkvæmt tékkneskum lögum er Tékkum ekki heimilt að taka þátt í hernaðaraðgerðum annars hers en þeirra eigin og geta slík brot varðað fimm ára fangelsi. Forseti getur þó veitt undanþágu frá þessum lögum.
Forseta Tékklands hafa samtals borist um 300 undanþágubeiðnir en 100 sambærilegar beiðnir hafa borist varnarmálaráðuneytinu þar í landi.
Úkraínski herinn kallaði eftir því að nágrannaríki sýndu stuðning í verki og sendu mannafla til Úkraínu til þess að verjast innrás Rússa, sem hófst þann 24. febrúar.
Konan sem missti meðvitund var í köfunarferð
Spyr sig hvers vegna leyfi var gefið
Ætlar að vanda sig enda viðkvæmt mál
Líkfundur: „Höfum grun um hvaða maður þetta er“
Bjartsýn á að opna nýjan Kársnesskóla næsta haust
„Gefið í skyn að þetta sé öruggt“
Stúlkan enn í lífshættu: Rannsókn miðar vel