Forsætisráðherra Ísraels, Naftali Bennett, tók óvænt að sér hlutverk málamiðlara í dag þegar hann flaug til fundar við Vladimír Pútín í Moskvu, áður en hann hringdi svo í Volodimír Selenskí forseta Úkraínu, og endaði á að fljúga til Berlínar.

Fundur hans og Pútín varði í þrjár klukkustundir.

Bennett hefur til þessa stigið létt niður fæti hvað innrásina í Úkraínu varðar, í tilraun til að viðhalda viðkvæmu öryggissamstarfi við Rússland, sem heldur úti stórum her í nágrannaríkinu Sýrlandi.

Bennett hefur þannig ekki gengið í hóp leiðtoga Vesturlanda, þar á meðal Bandaríkjanna sem eru lykilbandamaður Ísraels, og fordæmt innrásina eins og þeir. Þess í stað hefur hann lagt áherslu á sterk sambönd Ísraels við bæði Rússland og Úkraínu.

Frétt af mbl.is

Flaug óvænt til fundar með Pútín

Veltur á hugarástandi Pútíns

Áður en kom að Moskvuferð hans í dag hafði Bennett ítrekað rætt við bæði Pútín og Selenskí í síma.

„Þetta er djörf en áhættusöm tilraun,“ segir Michael Oren, fyrrverandi sendiherra Ísraels í Washington, í samtali við fréttastofu AFP. 

„Mikið veltur á hugarástandi Pútíns,“ bætir hann við og bendir á að þó að Pútín hafi hafnað málamiðlunartillögum fyrir innrásina, sé önnur staða uppi í dag.

„Pútín gæti verið að leita að leið upp úr þessum vanda. Bennet gæti jafnvel útvegað honum stigann.“

Tengdar fréttir

Úkraína

Ísland mun styðja við uppbyggingu í lok stríðs

• Pútín tilbúinn í viðræður við Trump
• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn

» Fleiri tengdar fréttir

• Blogga um frétt