Mar­geir Pét­urs­son, hlut­hafi í Bank Lviv, sem bú­sett­ur er í borg­inni Lviv í Úkraínu, segist hafa yfirgefið landið. Hann heldur nú til á meginlandi Evrópu eftir að hafa stoppað á Íslandi, en fylgist grannt með ástandinu í heimaborginni. 

„Ég fór um síðustu helgi, aðfararnótt sunnudags. Það voru Íslendingar sem voru staddir í borginni og vantaði nauðsynlega far svo ég ákvað að taka þá með mér, kom þeim út og fór sjálfur líka. Fimm Íslendingar fyrir utan mig,“ segir Margeir í samtali við mbl.is.

Frétt af mbl.is

„Þetta er að fara á versta veg“

„Það er ágætis ástand í bankanum miðað við allt. Hann er opinn allsstaðar nema í Kænugarði, við höfum ekki getað opnað þar síðan 24. febrúar,“ segir Margeir um Bank Lviv. 

Margeir segist fylgjast grannt með ástandinu í Lviv, sem er staðsett um 70 kílómetra frá landamærum Póllands. Ástandið í borginni er betra en víða annarsstaðar í landinu, en þrátt fyrir það hafa m.a. söfn og önnur menningarhús gert ráðstafanir til þess að koma menningarminjum í öruggt skjól sæti borgin innrás. 

„Ég hringi þarna oft á dag. Það er rólegt í borginni, mikið af flóttafólki þar saman komið. Það eru margir sem eru að bíða og sjá til og hafa komið þangað frá Kænugarði. Það eru öll hótel og gistiheimili algjörlega troðin í Lviv og nágrenni. Hún er bara 70 kílómetra frá Póllandi svo fólk upplifir sig mun öruggara,“ segir Margeir. 

Spurður hvort að til standi að snúa aftur til Lviv segir Margeir:

„Ég er bara að sjá til, fylgist með fréttum og tala við fólk á staðnum. Ég er bara í viðbragðsstöðu.“

Tengdar fréttir

Úkraína

Ísland mun styðja við uppbyggingu í lok stríðs

• Pútín tilbúinn í viðræður við Trump
• Þakkaði Íslandi mörg hundruð milljóna stuðning
• Tóku bæ á stærð við Reykjanesbæ á sitt vald
• Hótar að minnka aðstoð við Úkraínumenn

» Fleiri tengdar fréttir

• Blogga um frétt