Segja boð Pólverja ekki gerlegt
John Kirby, talsmaður bandaríska varnarmálaráðuneytisins.
AFP
Setja bókamerki
Bandaríska varnarmálaráðuneytið lýsti því yfir nú fyrir stundu að það teldi ekki gerlegt að verða við boði Pólverja um að þeir afhentu MiG-29 herþotur sínar til Úkraínu.
John Kirby, talsmaður Pentagon, sagði í yfirlýsingu að Bandaríkjastjórn hygðist áfram ráðfæra sig við Pólverja og hinar bandalagsþjóðirnar í Atlantshafsbandalaginu um málið, en að Bandaríkjamenn teldu tillögu Pólverja ekki ganga upp út frá ýmsum hliðum.
Eitt af því sem Kirby nefndi í yfirlýsingunni var að sá möguleiki að herþotur á vegum Bandaríkjamanna, sem myndu fljúga inn í úkraínska lofthelgi sem Rússar væru að reyna að ná völdum yfir, gæti valdið „alvarlegum áhyggjum fyrir gervallt Atlantshafsbandalagið.“
Fordæmir leyndarhyggju í skólamálum
Ástand Ficos stöðugt en „mjög alvarlegt“
„Hann var lokaður inni í bátnum“
„Mjög miður að af þessu hljótist kostnaður“
Kemur ekki til greina að semja við ESB
„Trúlega rákumst við saman“
Opin fyrir almennri kosningu biskups
Meti umsóknir um ríkisborgararétt