Rússneskar hersveitir hafa látið sprengjur falla á og eyðilagt barnaspítala í úkraínsku strand­borg­inni Mariupol í suðaust­ur­hluta lands­ins. Þetta kemur fram í yfirlýsingu frá borgarstjórn Mariupol.

Þar segir að eyðileggingin eftir árásirnar sé gríðarleg.

Fæðingardeild, barnadeild og endurhæfingardeild eru allar ónýtar eftir sprengjuárásirnar.

Í yfirlýsingu borgarstjórnar segir að á þessari stundu sé ekki hægt að segja til um mannfall. Þeir sem særðir eru verða fluttir á aðra spítala í nágrenninu.

Volodimír Selenskí, forseti Úkraínu, birti myndskeið á Twitter-síðu sinni fyrir skömmu þar sem sjá má eyðilegginguna eftir loftárásirnar.

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• Blogga um frétt