Erlent | AFP | 10.3.2022 | 15:34

Ætla ekki að skerða orkuútflutning

Vladimír Pútín segir Rússa ætla að standa við skuldbindingar sínar. AFP/ Mikhail Klimentyev

Vladimír Pútín Rússlandsforseti segir Rússa ekki ætla að hverfa frá samningum sínum um útflutning olíu og gass þrátt fyrir harðar refsiaðgerðir Vesturlanda vegna stríðsins í Úkraínu.

„Við munum áfram virða allar skyldur okkar hvað varða orkuútflutning,“ sagði Pútín á ríkisstjórnarfundi sem var sjónvarpað frá.

Þá sagði hann einnig að staðið yrði við skuldbindingar við Úkraínumenn og að gasleiðslur þangað yrðu „hundrað prósent fylltar“ líkt og kveðið er á um í samningum.

Frétt af mbl.is

Rússar svara refsiaðgerðum með útflutningsbanni

Refsiaðgerðir hafi áhrif á verð matvæla

Hann vara þó við að refsiaðgerðir Vesturlanda gætu leitt til mikillar verðhækkunar á matvælum á alþjóðamarkaði þar sem Rússland væri einn helsti framleiðandi áburðar í heiminum, sem er nauðsynlegur fyrir matvælaframleiðslu.

„Rússar og Hvítrússar eru hluti stærstu steinefnaáburða birgjum heims. Ef þeir halda áfram að skapa vandamál varðandi fjármögnun og flutning á vörum okkar, þá munu verð hækka og það mun hafa áhrif á lokavöruna, matvælin,“ sagði Pútín á ríkisstjórnarfundinum.

Svara aðgerðum með útflutningsbanni

Frá því að innrásin í Úkraínu hófst hafa Rússar sætt einum hörðustu refsiaðgerðum sem Vesturlöndin hafa gripið til. Á þriðjudag tilkynnti Joe Biden Bandaríkjaforseti svo bann á kaupum á eldsneyti frá Rússlandi. Ekki er vitað hvaða áhrif það mun hafa en Biden sagði þetta sterkt útspil.

Fyrr í dag tilkynntu Rússar að þeir hygðust svara refsiaðgerðum Vesturlanda með útflutningsbanni á ríflega 200 mismunandi vörum.

Bannið, sem verður í gildi út þetta ár, mun m.a. ná yfir landbúnaðarvélar, bifreiðar, tækni- og raftæki, auk tækja ætluð til samskipta og lækninga, að því er fram kemur í skipun sem Mikhaíl Mishustin forsætisráðherra Rússlands undirritaði.

Eins og kom fram í máli Pútíns virðist það útspil þó ekki ná til orkuútflutnings.