Efnahagur Úkraínu gæti hrunið og dregist saman um allt að 35% ef stríðið í landinu dregst á langinn. Átökin gætu einnig lagt fæðuöryggi í heiminum í hættu, að sögn Alþjóðagjaldeyrissjóðsins.

Fram kemur að óvissan sé gríðarleg. Landsframleiðsla muni þó að minnsta kosti dragast saman um 10% á þessu ári ef miðað er við skjóta endalok stríðsins.

Hækkandi verðlag, ásamt mögulegum uppskerubresti, getur sömuleiðis ógnað fæðuöryggi.

Sjóðurinn bendir á tölfræði vegna átaka í Íraka, Líbanon, Sýrlandi og Jemen og segir að árleg landsframleiðsla Úkraínu gæti dregist mun meira saman en í þeim löndum, eða um 25 til 35%.

Efnahagur Úkraínu óx um 3,2 prósent árið 2021. Kornuppskera var meiri en nokkru sinni fyrr og neysla almennings fór sömuleiðis upp á við .

Tengdar fréttir

Úkraína

10.000 norðurkóreskir hermenn til liðs við Rússa

• Útilokar að gefa eftir landssvæði
• Þjarma að borginni Pokrovsk
• Selenskí leitar aðstoðar páfa
• Gerðu drónaárás á bækistöðvar flughersins

» Fleiri tengdar fréttir

• Blogga um frétt