Yfirvöld í Kína hafa sýnt fram á vilja til að rétta Rússum hjálparhönd, eins og Rússar óskuðu eftir, vegna innrásarinnar í Úkraínu. Dagblaðið Financial times hefur þetta eftir heimildarmönnum sínum, en stjórnvöld Bandaríkjanna munu nýverið hafa varað bandamenn sína við þessari þróun mála.

Rúss­land óskaði í gær eft­ir aðstoð frá Kína við að út­vega sér her­gögn. Ekki liggur fyrir hvort Kína sé nú þegar byrjað að veita Rússlandi umræddan stuðning eða hvort í þessu felist loforð um að hann verði veittur í náinni framtíð.

Þá er ekki ljóst á hvaða tímapunkti Kína gaf fyrst í skyn við Rússa að þeir væru tilbúnir til að veita aðstoð í hernaðaraðgerðunum. 

Áttu fund í dag

Á alþjóðlegum vettvangi kefur Kína viljað halda hlutlausri stöðu að nafninu til. Þannig hafa stjórnvöld ekki fordæmt aðgerðir Rússa eða tekið þátt í efnahagsþvingunum gegn þeim, en heldur ekki lýst yfir stuðningi við innrásina í Úkraínu.

Jake Sullivan, þjóðaröryggisráðgjafi Bandaríkjanna, átti fund í Róm í dag ásamt formanni kínversku utanríkismálanefndarinnar, Yang Jiechi. Í tilkynningu frá Hvíta húsinu rétt í þessu segir að töluvert hafi verið rætt um stríð Rússlands gegn Úkraínu.

Frekari fregnir verða birtar hér að neðan um leið og þær berast.

Tengdar fréttir

Úkraína

25 hið minnsta særðir eftir árás á íbúðablokk

• Úkraína geti tapað stríðinu með skyndilausnum
• Selenskí: N-Kórea heyir stríð í Evrópu
• Vonast til að glíma við Rússa og N-Kóreu með Trump
• Gerðu umfangsmikla drónaárás á Kænugarð

» Fleiri tengdar fréttir

• Blogga um frétt