Sprengda byggingin var merkt börnum
Setja bókamerki
Leikhúsið sem hersveitir Rússa sprengdu og gjöreyðilögðu í árás á borgina Maríupol í dag, var merkt í bak og fyrir á rússnesku með orðinu „Börn“.
Þetta sýna gervihnattamyndir en úkraínska þingið er á meðal þeirra sem vakið hafa athygli á þessu.
1.000 til 1.200 manns
Serhjí Orlov, aðstoðarborgarstjóri í Maríupol, sagðist fyrr í dag telja að 1.000 til 1.200 manns hefðu verið í leikhúsinu þegar árásin var gerð.
Rússar hafa setið um borgina í rúmlega tvær vikur og hefur umsátrið og sprengjuárásir dregið mikinn fjölda íbúa til dauða.
„Rússar gætu ekki ekki hafa vitað að þetta væri skýli fyrir borgara. Bjargið Maríupol. Stöðvið rússneska stríðsglæpamenn,“ sagði úkraínski utanríkisráðherrann Dmítró Kúleba.
Lofaði frekari styrk
Skömmu eftir að ljóst varð að leikhúsið hefði verið sprengt hélt Joe Biden Bandaríkjaforseti blaðamannafund. Lofaði hann þar að veita Úkraínumönnum frekari varnarbúnað, að andvirði eins milljarðs bandaríkjadala.
Þá sagði hann í svari við spurningu blaðamanns að Vladimír Pútín Rússlandsforseti væri stríðsglæpamaður.
Neitaði að taka þátt í PISA-könnuninni
Segir af sér vegna tilræðisins
Hefur tryggt sér stuðning nógu margra kjörmanna
„Teljum mjög litlar líkur á vaxtalækkun í ágúst“
/frimg/1/50/58/1505804.jpg)
Hreinar línur í veðrinu næstu tíu daga
/frimg/1/9/31/1093106.jpg)
Mohamad ekki sá eini: Þúsundir skipta ár hvert
Var aldrei að fara að byggja glerhöll eða gámahótel