Hætti í Bolsoj-ballettinum og skammast sín fyrir Rússland
Setja bókamerki
Olga Smirnova, ballerína í Bolsoj-ballettinum og stórstjarna í ballett sem nýlega fordæmdi innrás Rússa í Úkraínu, hefur yfirgefið Bolsoj og ráðið sig til starfa hjá hollenska ballettinum.
Frá þessu greinir ballettinn hollenski í yfirlýsingu.
Washington Post hefur eftir Ted Barndsen, listrænum stjórnanda í hollenska ballettinum að mikil spenna sé fyrir vistaskiptum Smirnovu.
„Hún er fallegur listamaður og falleg manneskja. Það er eitthvað töfrandi við hana; hún dansar með allri sálinni. Að fá hana til liðs við okkur er yndislegt – þrátt fyrir sorglegan aðdraganda þess.“
„Við getum ekki verið hlutlaus“
Fordæming Smirnovu á innrásinni er sögð sýna hugrekki af hennar hálfu en setja hana í hættu í Rússlandi. Greindi hún frá skoðun sinni í skilaboðum á Telegram.
„Við getum ekki verið hlutlaus í þessu alþjóðlega stórslysi,“ skrifaði hún.
„Ég hélt a ég myndi aldrei skammast mín fyrir Rússland,“ hélt hún áfram. Smirnova er einn fjórði úkraínsk þar sem hún á úkraínskan afa. Það eitt hafði þó ekki úrslitarvald í hennar ákvörðun.
Víkingar komnir yfir 800 milljónir í greiðslur
Barn lést í árásinni
Ók á hóp fólks á jólamarkaði: Einn látinn
Þetta eru ráðherrar ríkisstjórnarinnar
Var engin kristnitaka árið 1000?
Bjarni: „Útilokað að þetta geti gengið upp“
Hrikalegt að heyra fréttirnar
„Mér finnst gamla Samfylkingin komin aftur“
