Minnst 50 látnir eftir loftárás Rússa
Setja bókamerki
Tugir úkraínskra hermanna féllu þegar að rússneskar hersveitir skutu á hermannaskála í borginni Míkolaív í suðurhluta Úkraínu í gærmorgun. Þetta herma heimildir AFP fréttastofunnar.
Teymi björgunarmanna er nú á leiðinni en að minnsta kosti 200 hermenn voru sofandi í skálanum þegar að rússneskar hersveitir létu til skarar skríða snemma föstudagsmorgun.
Fjöldi látinna gæti verið í kringum 100
Búið er að sækja lík 50 hermanna úr sprengjurústunum en ekki er vitað hversu margir eru eftir inni, segir Maxím úkraínskur hermaður í samtali við AFP.
Annar hermaður sem fréttastofa ræddi við taldi að tala látinna gæti verið hátt í hundrað. Yfirvöld hafa ekki enn gefið út opinberar tölur um mannfall.
Skálinn, sem var staðsettur í norðurhluta borgarinnar, gjöreyðilagðist í árásinni en nokkur flugskeyti hæfðu mannvirkið. Talið er að skotið hafi verið á borgina frá Kerson, svæði sem er nú undir stjórn Rússa.
„Í gær gerðu rússneskar hersveitir huglausa loftárás á sofandi hermenn okkar,“ sagði Vitalí Kim, yfirmaður svæðisstjórnar, í myndbandsávarpi fyrr í dag.
Hann sagði að ekki væri hægt að veita frekari upplýsingar að svo stöddu, fyrir utan að björgunaraðgerð stæði nú yfir.
Fór 300 ferðir upp Esjuna á árinu
„Guð forði okkur frá því“ að Ísland missi tengslin
Ók í gegnum rúðu og reyndi að nema banka á brott
Bókun 35 enn stjórnarskrárbrot
Biðst afsökunar á „hræðilegu atviki“
Heitar sturtur skaðlegar: Mælt með moðvolgu vatni
Björgunarsveitir kallaðar út fyrir norðan
