Frönsk yfirvöld hafa fryst eignir upp á 850 milljónir evra, jafnvirði rúmlega 121 milljarðs íslenskra króna, sem eru í eigu rússneskra auðjöfra í landinu.

Frá þessu greindi Bruno Le Maire, fjármálaráðherra Frakklands, í dag.

Frétt af mbl.is

Bæta 160 ólígörkum og þingmönnum á svarta listann

Geta hvorki selt né aflað tekna

„Við höfum fryst eignir upp á 150 milljón evrur,“ sagði Le Maire í samtali við sjónvarpsstöð í Frakklandi.

Auk þess höfum við „fryst 539 milljón evrur í 390 fasteignum á frönsku yfirráðasvæði og kyrrsett tvær snekkjur sem eru virði 150 milljón evra,“ bætti hann við.

„Samtals eru þetta eignir upp á 850 milljón evrur sem við höfum fryst á franskri grundu.“

Aðgerðir Frakka þýða að rússnesku auðjöfrarnir geta hvorki selt né aflað tekna af eignum sínum í Frakklandi.

Eignirnar hafi þó ekki verið frystar til þess að franska ríkið gæti eignast þær og selt síðan áfram, að sögn Le Maire. 

„Refsiaðgerðirnar bitna harkalega á Rússlandi, rússneska ríkinu og Vladimír Pútín,“ sagði Le Maire.

Tengdar fréttir

Úkraína

Skutu niður flugskeyti og dróna yfir Kænugarði

• Binda vonir við að Trump endi stríðið
• Vill aukna ábyrgð Evrópu í varnarmálum
• Blinken flýgur á fund NATO og ESB
• Kona og þrjú börn létu lífið í heimabæ Selenskís

» Fleiri tengdar fréttir

• Blogga um frétt