Heimsstyrjöld ef friðarviðræður misheppnast
Volodimír Selenskí forseti Úkraínu.
AFP
Setja bókamerki
Volodimír Selenskí forseti Úkraínu vill hefja á ný friðarviðræður við Rússa og segir að það sé eina leiðin til þess að binda enda á stríðið.
Selenskí og Úkraínumenn kalla eftir frekari friðarviðræðum eftir að skóli í Maríupol, þar sem 400 dvöldu, varð fyrir sprengjuárás. Yfirvöld í Úkraínu segja árásina stríðsglæp.
Rússlandsher útrými Úkraínumönnum
Í sjónvarpsviðtali á CNN sagði Selenskí að rússneski herinn væri kominn til Úkraínu til þess að útrýma Úkraínumönnum.
Hann bætti því við að þótt það væri aðeins litlar líkur á því að samkomulagi yrði náð, þyrfti að reyna á það.
Ef friðarviðræðurnar heppnast ekki myndi það þýða að þriðja heimsstyrjöldin væri gengin í garð að sögn Selenskís.
Selenskí hefur áður varað við því að átökin í Úkraínu gætu stigmagnast í næstu heimsstyrjöld.
Konan sem missti meðvitund var í köfunarferð
Spyr sig hvers vegna leyfi var gefið
„Grafalvarlegt að talningin hafi ekki staðist“
Hroðaleg þróun sem þarf að bregðast við
Eina hópmálsóknin „málsóknir Skúla gegn hópi fólks“
Bjartsýn á að opna nýjan Kársnesskóla næsta haust
Höfum nægan tíma til að bregðast við