Önnur árás á skjólstað flóttamanna í Maríupol
Setja bókamerki
Borgaryfirvöld í Maríupol segja rússneskar hersveitir hafa enn á ný sprengt skjólstað í borginni þar sem hundruð íbúa voru.
Þetta kemur fram á vef BBC en þar er tekið fram að ekki hafi tekist að staðfesta þessar upplýsingar þar sem símalínur eru óvirkar og nánast ómögulegt er að eiga samskipti við þá sem eftir eru í borginni.
Skólinn hýsti 400 manns
Í skilaboðum á samskiptaforritinu Telegram kemur fram að skóli, sem hýsti um fjögur hundruð manns, hafi verið sprengdur af rússneskum hersveitum í gær.
Konur, börn og eldra fólk hafði leitað þar skjóls og eru mörg þeirra nú föst inni. Engar formlegar tölur hafa verið gefnar út varðandi mannfall.
„Friðsamlegir óbreyttir borgarar eru enn undir rústum byggingarinnar,“ segir í yfirlýsingu borgaryfirvalda.
Fólk flutt gegn vilja sínum til Rússlands
Þá hafa borgaryfirvöld einnig greint frá því að búið sé að ferja íbúa Maríupol gegn þeirra vilja til Rússlands.
„Núna eru Rússarnir að fara í gegnum alla kjallara og ef það eru einhverjir íbúar eftir þá taka þeir þá gegn sínum vilja til Taganrog,“ sagði Edúard Sarúbin, læknir sem yfirgaf Maríupol fyrr í þessari viku, við BBC.
Heitar sturtur skaðlegar: Mælt með moðvolgu vatni
Æskuvinir sem fóru í víninnflutning frá Georgíu
Stór gagnaleki opinber mánuðum saman
Fær leyfi til að rífa bústaði
Segir lögreglu hafa hætt við þegar lögmaður mætti
Skoða ráðstafanir vegna mikillar kuldaspár
Boða 100 milljóna hagnað á næsta ári
Rúta með yfir 20 farþegum fór út af vegi