Bandaríkin munu í dag lýsa því yfir að herforingjastjórnin í Mjanmar hafi framið þjóðarmorð með ofbeldi sínu gegn róhingjum.

Aðgerðasinnar og róhingjar hafa fagnað þessu.

Hundruð þúsunda róhingja, sem eru flestir múslímar, hafa flúið Mjanmar, þar sem búddistar eru í meirihluta, frá árinu 2017 eftir aðgerðir hersins gegn þeim. Æðsti dómstóll Sameinuðu þjóðanna rannsakar hvort þar hafi verið framið þjóðarmorð.

Frétt af mbl.is

Friðarverðlaunahafi sakaður um þjóðarmorð

Antony Blinken, utanríkisráðherra Bandaríkjanna, mun tilkynna þessa ákvörðun opinberlega í dag er hann heimsækir Helfararsafnið í Washington.

Um 850 þúsund róhingjar hafast við í flóttamannabúðum í nágrannalandinu Bangladess þaðan sem fregnir af fjöldamorðum og nauðgunum hafa borist. Aðrir 600 þúsund til viðbótar eru enn í ríkinu Rakhine í Mjanmar þar sem þeir segjast hafa orðið fyrir slæmri meðferð.

Tengdar fréttir

Rohingjar á flótta

Bátur með 180 Róhingjum á reki í meira en mánuð

• Fundu 14 lík á ströndinni
• Rohingjar höfða mál gegn Facebook
• Þaggað niður og falið í skugga skammar
• 15 látnir og 400 saknað

» Fleiri tengdar fréttir

• Blogga um frétt