Sex látnir eftir árás á verslunarmiðstöð
Setja bókamerki
Að minnsta kosti sex manns létust eftir að sprengjum var varpað á verslunarmiðstöð í Kænugarði, höfuðborg Úkraínu, í nótt. Blaðamaður AFP-fréttastofunnar greindi frá þessu og voru viðbragðsaðilar að leita að fleiri fórnarlömbum í rústunum.
Slökkviliðsmenn að störfum eftir loftárásina í nótt.
AFP
Sex lík höfðu verið lögð fyrir framan verslunarmiðstöðina Retroville í norðvesturhluta borgarinnar, að sögn blaðamannsins.
Um tíu hæða byggingu er að ræða. Sprengingin var kröftug og eyðilagði bifreiðar á bílastæðinu, auk þess sem stór gígur myndaðist þar.
Reykur stígur upp frá verslunarmiðstöðinni og hefur allur syðri hluti hennar eyðilagst ásamt líkamsræktarstöð sem var við bílastæðið.
„Óvinaárásir hafa valdið eldsvoða á þó nokkrum hæðum og kveikt í þó nokkrum bílum,“ sögðu viðbragðsaðilar á Facebook.
Slökkviliðsmenn leita í rústum verslunarmiðstöðvarinnar.
AFP
Ísland mun styðja við uppbyggingu í lok stríðs
Ný Tesla Y kynnt
Áhrif örvandi fíkniefna meginorsök banaslyss
Afleiðingar fjögurra ára vatnstjóns koma fram
Hleypt úr fangelsum til að berjast við eldana
Gular viðvaranir víða um land
Hóflega bjartsýn á að samningar náist
Rannsókn lögreglu á banaslysi aftur hjá ákærusviði